جان سنه قوربان دی آنا

هئچ کیمی من ایسته میرم ، گل ئورگیم قان دی آنا

هارداسان آخر بورا گل ، جان سنه قورباندی آنا

سن اُو زامان هی دارییاردین باشیمی ایندی ولی

بیر چک الین ساچلاریما گؤر نه پریشان دی آنا

سعی ائدیرم گؤرمه سین هئچ کس گؤزومون یاشلارینی

نینییم اُولمور بولونور گؤزلریم گریان دی آنا

دوز اُو زامان دان کی سنی آلدی الیم دن بو جاهان

هر گونومون تک جه ایشی ناله و افغان دی آنا

آیریلیقین دا بو کونول اُوت توتوب آخر یانیری

بیر منی آل سن قوجاغان کی منه درمان دی آنا

چوخلی سنی من سئویرم بسدی داحا هئچ دئمیرم

گؤر نه سن آخر کی یئرین جنت و ریضوان دی آنا