سئوگي بئله دير سه،ياشاييش بئله

بئله ياشاييشي سئوه بيلميرم

دونيا دار قفسده ياشاييش اولسا

بئله ياشاييشي سئوه بيلميرم

***

ياشاييش كدرله ياشاييش اولسا

دونيادا يالانلا آساييش اولسا

سئونلرين يازي،بوران،قيش اولسا

بئله ياشاييشي سئوه بيلميرم

***

سئويليب سئومييه ن،سئويلسه بيرده

سالاجاق مينلرين،من كيمي درده

نئله ييم سيغميرام بو كيچيك يئرده

بئله ياشاييشي سئوه بيلميرم

وطن اوغروندا توتولان

            ارکین اینتیحارچی

dostaqdada sərbəstlik duyur
vətən uğrunda tutulan

ƏRKİN İNTİHARÇI

اونودوبسانمي گزيرديك ايكيميز دار كوچه ده

ساخلاييردي ايزيميز سينه ده آغ قار كوچه ده

ال -اله،گؤز- گؤزه،تام ايستي ياييرديق ايكيميز

گؤره سن ايستي محبت يئنه ده وار كوچه ده

شيطان ايستيردي آييرسين بيزي بيزدن اول زامان

بيزده هي آرزيلاييرديق، اولا كاش كار كوچه ده

اوره گه يازميشام اول خاطيره لي دار كوچه ني

سن اينانميرسان اگر،كؤكسمو آچ،يار كوچه ده

ايندي يوخسان كي قوشا،دار كوچه لرده دولاناق

ائييني آختاريرام،ايزله ييره م يار كوچه ده

Unudubsanmı gəzirdik ikimiz dar küçədə

Saxlayırdı izimiz sinədə ağ qar küçədə

əl-ələ،göz-gözə،tam isti yayırdıq ikimiz

görəsən isti məhəbbət yenədə var küçədə

şeytan istirdi ayırsın bizi-bizdən ol zaman

bizdə hey arzılayırdıq ola kaş kar küçədə

ürəgə yazmışam ol xatirəni،dar küçəni

sən inanmırsan əgər،köksümü aç،yar küçədə

indi yoxsan ki qoşa،dar küçələrdə dolanaq

iyini axtarıram،izləyirəm yar küçədə

گوزلریم یالواریر

           له له ییر

داها اولور

             دوداقلاریم تشنه لیکدن

اوره ییمین دیزلری تیتره ییر

***

گوزلریم بیر ایچیم اوپوش دیله ییر

          دوداقلاریمی بیر ایچیم اوپوشه قوناق ائت!!!

***

قافلان قیزجیق

          سایمادان کئچدی

***

شاراق... !!!

      اوره ییم سیندی

      گوزله ریم دالغالاندی

       دوداقلاریم تشنه اولدو

...

اوپوشدوك

            اوپوشوموز شور چالدي

اورييندن آخان چاي

گؤزلرينده دالغالانيردي

            بيلديم سون گؤروشوموزدور

Öpüşdük

                              Öpüşümüz şor çaldı          

Ürəyindən axan çay

Gözlərində dalğalanırdı

Bildim son görüşümüzdür           

گونش كور اولدو

                        اوزونون ايشيقيندان

Günəş kor oldu

Üzünün ışıqından

قلمله كاغاذ

            ال بير اولموشلار

ايشكنجه لر قارشيندا

Qələmlə kağaz

            əl bir olmuşlar       

işkəncələr qarşında

sevda yasaq olusada

sevənlərə 

   ölüm olursada      

SƏNİ SEVƏCƏM

                   diyərəm                 

son nəfəsim olursada

سئودا ياساق اولورسادا

سئونلره

    اولوم اولورسادا

سني سئوه جم

          دييرم

سون نفسيم اولورسادا

گوزلرین دالغالانیر

دومانلی گوروکور دونیا

            سنین گوزلرینده

***

دنیز اومور

اوزونده کی تپه نی

آل دره نی

کئچن

گوز یاشلارینا

                   جانیما جالاییرسان

گوزلرینین یورقون کاساسیندان

 گوزومه باخاندا

                         آتا

اورگیمی دئشیب قاشین

نه یادیمدان چیخیر یادین

نه ده اورگ آتیر داشین

***

آی گوزلری آلا جئیران

نئجه گوزدن سالیم سنی

عاقیل دئییر اونوتماقی

اورک دئییر آلیم سنی

***

آی اینجه بئل اوجا بویلو

ییخیب منی دوروشوغون

سنه چاتماق چملی خملی

نئجه سووم بوروشوغون

***

آی اللری نازیک گوزل

تومارلا سن تئللریمی

حایف ائله دیم،یاوا سوودوم

سنسیز اولان ایللریمی

***

آی قاشلاری کامان گوزل

آی گوزلری آلا جئیران

آی اینجه بئل نازیک اللیم

کونول اولوب سنه حئیران

     نه گوزلمیشسن

آغ آپاق بیر ملک

   سئوملی آنا سودی تک

         یازیلمامیش کاغاذا بنزه ییرسن

        سنی یازماق ایسته ییرم

گویچکلیگینی ناسیل دیله گتیرمک اولارمی؟

بیر بویاقدا

ایکی اوزلولوکدن اوزاق

                        آغ آپاق

هممشه قارلی اولاسان سنی

من ساری

       قوپ قورو چول

سن ماوی

       بیر دنیز تک

گل قووشاق ایکیمیز

                  یام یاشیل دونیا اولاق

        نه ایستی بیلیر

        نه سویوق

       نه سئوگی بیلیر

       نه آجیق

                       تکجه اوزون سئودیره بیلیر

                                                                   سنین اوره گین

سهندین زیروه سینده کی قارلارا بنزه ییر

        جانیمین ایستیسین آلیر

        جانیما چوغون سالیر

                                                                 سنین باخیشلارین

یایدا یئدیییم دوندورمایا بنزه ییر

         دوداقلاریمی دوندورور

         شیرینده چالمیر

                                                               سنین دوداقلارین

سن منیم         

داشا بنزر

بوزا دونموش

آجی تاملی

سئوگولومسن

ایستکلیم

گئتدین

گئتدیکجه ایزلرین قالدی قار اوستده

قارداکی ایزلرین گئدرگین اولدو

منده کی ایزلرین قالارقین

         کئچمیشلرین دفینه سی

تام کئچمیشلری دفن ائدیرم اوزومده

تام پیس کئچمیشلری

پیس آداملاری

      پیس٬یاخشی ایزلریله

بیر یئنی گلجک

      بیر یئنی آداملار

یاراداجام اوزومدن

تام یاخشیلیقلار یارادانی اولاجام

یاخشی آداملار

      یاخشی٬ یاخشی عمللرله

تام خوش گلجک یاراداجام

بیر یئنی گلجک

     بیر یئنی آداملار

            شعر

کرپیجلری:

          سوزجوک

هر گلن بیر سوزجوک

                                            شعریمیزدن قوپاریب

سنه گوندردیگیم

               سالاملار

      آنجاق داها باش ایمه ین

        ارک یاشا

آی چیخدی

        من چیخدیم

              بولوارا ساری

دان چیخدی

               سن چیخمادین

Ay çıxdı

            Mən çıxdım         

                        Bulvara sarı                   

Dan çıxdı

            Sən çıxmadın            

              سنده هابئله

ایسته دیم سوزومی

              گوزومله دییم

نه قدر سویله دیم

              سن ائشیتمه دین

یا گوزوم لال اولوب

یا گوزلرین کار

اوغورسوزلوق آسفالتلارینین

اوغور جیزیقلارینی

   توتوب

         گلجیه گئدیرم

چال

اوینا

گز

دولان

بوگون من اوله جه یم

       دوداقلاریمی تیکدیلر

نه حالداسان؟

سن گئدندن

منه ساری گلن

                دالغا

قولاغیما دانیشان

                یئل

منیم اوزومه باخان

                آی

منه ایشیق ساچان

               گونش

اورک سوزومی ائشیدن

               بالیق قولاغلاری اولوب.

آنجاق کی سن اولان زامان

دالغام،یئلیم

آییم،گونوم

هابئله ده اورک سوزومی ائشیدن

                تکجه

                تکجه سنیمیشسن

 دوداق ساللاق،

 گوز دالغالی،

 قولاق های سئز،

 ...

من سئویندیم

 دئدیم:

 شرری دای آچیلدی

 نه بیله یدیم سنین شررین

 مین خئییردن خوشدور منه

قالا بیله رسن سه من سیز ،اول سن اولدا سنین دونیان

سن باش اوجا داغ اولاسان،منده سنین چنین اوللام

یاشاماق ایسته سن چن سیز،اول سن اولدا سنین دونیان

بیر گولوستان سال یادیوا،سن گول اول منده چمنی

یئرین خوش اولسا چمن سیز،اول سن اولدا سنین دونیان

من سنه شاْن اولاجاقام،سنده منه باش اوجالیق

دولانا بیله سن شاْن سیز ،اول سن اولدا سنین دونیان

من اولدوزام سن منه آی،نئجه دوزوم آی سز هارای

دوزه بیله رسن سه من سیز،اول سن اولدا سنین دونیان

منی دونیاده گوزللردن اوزاق ساخلادیلار

دیلیمی داغلادیلار،اللریمی باغلادیلار

دئدیلر ایستمه حاقین آلاریخ وار یوخونی

دئدیم آخیر کی منیمدیر جانیمی یاغلادیلار

من کی فیکر ائتمه زیدیم بیر بئله نامرد اولالار

جانیمی یاغلاذیلار سون داغ آچیب داغلادیلار

ملتین قوخوسی وار ایسته مگه حاقیلارین

آلدیلار میلت ائوین اوزلرینه باغلادیلار

اورگیمدن یازارام شعریمی لیکن آغلار

اوخودی شعری اورگدن ائشیدیب آغلادیلار

آی مسلمان

          اویانین

                   کوفرچیلر ایسلام آدیله آپاریرلار

بیزلری بیربیریمیزدن قوپاریرلار

دینیمیز،ایمانیمیز،بیلگیمیزی بیزدن آلیللار

                                                بیلگیمیزدن قوپاریرلار

آی مسلمان

         اویانین

                   مرد آدیله گزن ائللر

                   بیزلره بیر توخونوب باشقا گوزل له گزن ائللر

                   بیزلره یاره ووروب قان اورگیله گزن ائللر

                                                                   بیلگیمیزدن قوپاریرلار

آی مسلمان

         اویانین

                   کوفر الیله دولالانلار

                   اللری قانه، حرامه بولالانلار

                   به جاها شوریله فواره له له نلر،جالالانلار

                                                                   بیلگیمیزدن قوپاریرلار

آی باجیم،قارداشیم

         آی آدی مسلمان دولالانلار

                   اویانین

بیزلری بیربیریمیزدن قوپاریرلار

                   بیزلری بیربیریمیزدن تئز آلیللار

                                      بیلگیمیزدن قوپاریرلار

                                      آپاریرلار

                                      بیزی بیزلردن آلیللار

آنانین دا یئری بالا اورگی

نه آنا نه بالا یئری هئچ زامان

گوروم اسگیلمه سین

گوروم ایتمه سین

وصالینه اومیدیم اولماسیدی قالمازیدیم

عذاب و محنت دونیانی جانه آلمازیدیم

اگـر مـنی آتـاسـان ائـتمرم حلال سنی

یادیمدا اولماسیدی خیالین بو شعری یازمازیدیم

سنین اول ساغ باخیشین چکدی ساغه ساری منی

سنین ساغا باخان باخشین اولماسیدی آزمازیدیم

سنی گوروب وورولماسیدم اگر نازلی گوزلره

خیال و عشقیوه خاطیر مکانی قازمازیدیم

سنین اوزاقلیقیوین دردینی گر آتسیدیم

جامین شرابین  ایچیب جامی باده آتمازیدیم

سنه چاتینجا نازیم آغلار اولماسیدیم اگر

واریم،یوخوم بئله دونیاده ساده ساتمازیدیم

گئدیرم تبریزیمه بیرده اورگ شاد ائلیه م

گورمه گه تبریز ائلین بیر دفعه ده یاد ائلیه م

گئدیرم شاه گولونون دورونه بیرده دولانام

یاد ائدم ارک قالاسین،بیرده ائلین شاد ائلیه م

دالغالار آلتدا قالمیشام دردو غمین چکن کیمی

عشق خیالین آتمیشام سندن اوزاق توشن کیمی

دلده نه انتظار اولار سن کیمی یار نازدن

هر نه الورمی آتمیشام سن گوزلی بیلن کیمی

سن بیزه گر گلیرمیسن جانیمی قوربان دئمیشم

نیلیه جک اولم گئدم گوزوم سنی گورن کیمی

سنون کیمی گوون آدی چیخار مگر خیالدن

خیالیم انحصار اولوب سنین آدین دئیه ن کیمی

اول گوز کی سنده وار کولوم هوش و هواسی چاپلایار

هوش و هواسیم اولمائیر سنین گوزون گورن کیمی

بو عشق یادیگاریدیر هر آن هر آی من آغلارام

اول عشق داغلاییب منی مندن اوزاق توشن کیمی

الیمده یار گیسی وار

ایچینده نرگیسی وار

یارین دوداخلارینین

نوقاسی وار،ریسی وار

***

اوجا بوی داغلار اولار

دره ده باغلار اولار

یاردان اوزاق توشنده

گوزلریم آغلار اولار

***

اوغول وار بویی اوجا

کیشی وار ایلی قوجا

آرزیم،دیلگیم بودور

بیر دفعه گئدم حاجا

***

جیران داغلاری چیخار

آخار سو ونیار ییخار

ناهار تاپمیان یازیخ

شامیندا زهر تیخار

***

چشمه جوشاندا خوشدور

داغی آشاندا خوشدور

یارین گوزل باخیشی

یارا باخاندا خوشدور

***

ال قویولسا ال اوسته

ایشلر قالماز ال اوسته

ایش ایسته سن دوز اولا

حساب گئت بیر ائل اوسته

***

داغ دوشونده یولا باخ

تاخچاداکی دولا باخ

بیری آجیندان اولور

کیمسه لرده پولا باخ

***

دونیا گئجه گوندوزدی

گادان ایری گاه دوزدی

هاچان گئجه ده اولسان

آرزین ایشیق گوندوزدی

***

عزیزیم کوزه سنار

مو دیبینده بیر چینار

یاریم منه باخماسا

بیل کی اورگیم سنار

***

سنه جانان دئمیشم،سن ده منه جان دئمیسن

سنه چاتماق قرارین سن منه القان دئمیسن

داخی دیوانه دی کونلوم سنه کی یوخ دئمه رم

هر نه القان سئویسن سن منه فرمان دئمیسن

او قدر سئوگیمیز آرتیب داخی بیر کافر تک

من سنه دین دئمیشم سن ایمان دئمیسن

دلی کونلوم سنی گورجک بئله جولانه گلیر

سن منی گورمک هامان دالغالی طوفان دئمیسن

ائله کی سئوگیمیزی چکمیشیک عالمده گوزه

من سنه سئوگی سوزون سن منه جاندان دئمیسن

سوردی آدیم ،دئدیم آغلار

سوروشدی بس نیه آغلار

اورگ دولوب گوزوم آغلار

دئدیم کی چون اورگ آغلار

دئدیم کی بئل منه باغلار

ائلیم اوبام اوجا داغلار

دئدیم کی میوه لی باغلار

تاپیلمیان ساری یاغلار

منیم دئدیگیمی حاقلار

منیم آدیم اولوب آغلار