شال ساللادی بو گئجه

اودا مندن پای دیله دی بئله جه

منیم واریم : بیر سنیدین بیر اؤزوم

سنی وئرسم چیلدیراجام دوشوندوم

سنه یانقی ، سنه توتقون ، سنه سوسوز

سنه آجام دوشوندم

تانری ائدیر بو سئوگییه تاماشا

من اؤزومو وئردیم گئتدی

سن یاشا

اونودوبسانمي گزيرديك ايكيميز دار كوچه ده

ساخلاييردي ايزيميز سينه ده آغ قار كوچه ده

ال -اله،گؤز- گؤزه،تام ايستي ياييرديق ايكيميز

گؤره سن ايستي محبت يئنه ده وار كوچه ده

شيطان ايستيردي آييرسين بيزي بيزدن اول زامان

بيزده هي آرزيلاييرديق، اولا كاش كار كوچه ده

اوره گه يازميشام اول خاطيره لي دار كوچه ني

سن اينانميرسان اگر،كؤكسمو آچ،يار كوچه ده

ايندي يوخسان كي قوشا،دار كوچه لرده دولاناق

ائييني آختاريرام،ايزله ييره م يار كوچه ده

Unudubsanmı gəzirdik ikimiz dar küçədə

Saxlayırdı izimiz sinədə ağ qar küçədə

əl-ələ،göz-gözə،tam isti yayırdıq ikimiz

görəsən isti məhəbbət yenədə var küçədə

şeytan istirdi ayırsın bizi-bizdən ol zaman

bizdə hey arzılayırdıq ola kaş kar küçədə

ürəgə yazmışam ol xatirəni،dar küçəni

sən inanmırsan əgər،köksümü aç،yar küçədə

indi yoxsan ki qoşa،dar küçələrdə dolanaq

iyini axtarıram،izləyirəm yar küçədə

بیر کور تانیرام ، گؤزو کورسادا ، اؤزو کور دئییل
عاغلینا حیسسینه ، او نان کور دئییل
گئجه لی گوندوزلو یازیر اوخویور
عاغیلی گؤزویله او گؤرور ، دویور

آنجاق بیری ده وار کور دئییل سه ده
گؤزو گؤرمور
دوستو گؤز اؤنونده اؤلدورولسه ده
گؤرمه دیم دئییر

یاخشی یا اورتاقدیر یامانی گؤرمور
او ساعاتا باخیر زامانی گؤرمور
فیکرینی حیسسینی اوجادان دئمه ز
بعضن گؤردویونو گؤرمه ک ایسته مه ز

گؤزلری گؤرمویه ن کور دئییل هله
گؤرمه ک ایسته مییه ن کوردور ، دئییرم
بئله موغاویله بیئله جاهیله
حیاتین اؤزوره قوردور دئییرم

سن اوزومه باخا – باخا
یازما هر ایشی گوناها
اللریندن اوچدو داها
سئوگی بیر فرصت قوشویدو
..
هوچ بیلدین می نه لر چکدیم؟
سنلی واختدا دا تکیدیم
اول آخیر گئده جکدیم
بو عشق حسرته توش ایدی
..
بیر آد داشییریق ایندی
« یوخ » دئمه دیک کیم نه دئدی
هر کس منه سئوگیلیدی
هر کس ده سنه کیشیدی
..
سؤندوردون قلبیمده اودو
بیر گونلوک سئوگیدیر آدی
بلکی سنه باهار اولدو
آمما منیم چون قیشیدی
..
بوراخ اللریمی داها
الیم الینده اوشودو
طالع بیزی گرروشدوردو
بودا آللاهین ایشیدی