| تبليغات | X |
| شعیرلری هاوادان şeirləri havadan |
کلجک بیزیمدیر تانری ایسته سه
|
bloq armı
ارکین باشکندلی (مهرداد مرادی باشکند)1366 گونش ایلینده تبریزده آنادان اولوب 8یاشیما قدر اوردا یاشادیم.سونرا آییله ایله بیرلیکده مییانادا یاشادیق.دیپلمومو میانادان آلیب فوق دیپلمومو زنگاندان آلاندان سونرا لیسانس روتبه سینی تبریزده اوخویورام.
ilgilər
özümün başga blogım
پینار اینتیشاراتی sözün sözü تورکو شعر تورکوجه شعرلر وحید شکرزاده نین وبلاگی (ائل شاعیری) عکس وبلاگی شعرhaideh-bala جهانگیرزاده مایانا گلجک بیزیمدیر ایشیق سوی ائوی آیدین آراز دومانلی گونلر(دومان بی) آیدین سرداری نیا یاشماق اولمز میانا سایتی afetin şeirləri چنلي تئل اسين ادبي درنه يي latincə bloqum axtaran
yaradan
|
 فضولییئنه اول ماه منیم آلدی قراریم بو گئجه هم وصالی اود اولور جانیما ، هم هجرانی یایلیم(حسین رزمی)...ایندی کی اوزومده سیغماییر اورک، گئدیرم یئنیدن یارانام گلم! بیر دویوش مئیدانی آچام سینه مده ، یایلیملی داغلاردا تالانام گلم گئدیرم ... گئدیرم ... گئدیرم داها. ...indi ki özümdə sığmayır ürək gedirəm yenidən yaranam gələm! Bir döyüş meydanı Açam sinəmdə Yaylımlı dağlarda Talanam gələm Gedirəm... Gedirəm... Gedirəm daha. سعید محمدی قارداشدانای روزگـار ، الغـدیــردن چیخـانـــدا ثبت نامـی ، جیبلریمـی سیخـانـدا
دئدیم کی من دانشگاها چیخمیشام دیپلمه کیمدیـر !؟ مهنـدس اولمیشام
ایندی که بیر ایل اوخویوب سومیشام مشروط اولـوب یـورقـانیمـا . . . . .
اوچ آی یایی . . . کیمی یاتمیشام آخـر گونی گلیب ائـو آختارمیشـام
زنجانی قارداش قیـچ آلتـدا قویمیشام باشماقـلاری بنگاهلاردا جیــرمیشـام
بیـر هفته هـر . . . یو ز سالمیشام آخـری بیـر پانسیونـدا قـالمیشــام
اول گونـی ناهارسیـز آژ قالمیشـام آخشام اولوب یاغ یومورتا سالمیشام
ایندیه جک هر . . . . . . قالمیشام آخــرین الله ، سنه تاپـشیـرمیشـام
شریفه جعفری
نفرت
سن الله، اورهييم توخونما منه
بير زادا ايمانيم داها قالماييب اؤزون گؤروسن كي گوجلو نفرتم ! يئييليب يين نن آجيغيم گلير. يالانچي سؤزچودن، يالانچي سؤزدن داها شعر دييه ندن آجيغيم گلير، نه قدر تولانماق ؟! نه قدر جيزيق؟ باشيم گيجه لنيب، اورهگيم قالخير، داها اعتماد دان زهلهم گئديري . ههييم يوخ اسكوره م ايچيم بوشالا هر يئره گئديرهم سن ده گليسن اينجيمه اينجيمه ،ضارافات ائيلهديم بابا ، دئي گليسن اؤلونجه بو خارابانين بير زادا يئري وار اودا عشق ايدي شریفه جعفری
قوشلار
دولانون گويلري، دولانون قوشلار آيدينليق سوزون كي ، ائشيق سوزون كي مني يارادانيم حسرت ياراديب بوردا دويغولاريم زاي اؤلوب بتون بيلديگين ائله يير منه آتديلار دولانون گويلري دولانون قوشلار من بير جوت قانادا حسرت چكيره م دولانون عدالت يوردونا كؤچون دورو بولاقلاردان دويونجاق ايچون منيمده يارالي قلبيمي آليب اؤجوزدا آپاريب اؤرايا آتون عمريمده بير دفعه ، هله اؤلمه ميش ، قويون يوخولاريم، تعبير اولونسون . شمس تبریزینین دایمی قالارقین یئری تبریزده تاپیلدی.شمس تبریزینین دایمی قالارقین یئری تبریزده تاپیلدی. تبریز شهرینین شوراسینین دانیشانی سوزلری اساسدا شمسین قبیری تبریزین گجیلینده تاپیلدی. بوندان بئله کی آیری شهرلر و اولکه لر ایدیعا ائله ییر دیلر کی شمسین قبیری اورادا اما نئچه ایل تحقیق و آختاریلیشدان سونرا ثابیت اولدی کی شمسین قبیری اوز ماحالیندا.تبریز شوراسینین دانیشانی دئدی چالیشیلیر بو قبیر آبادداشا و دوزه لینه. بین المللی کیتاب نماییشگاهی
پینار اینتیشاراتینین غرفه سی
بین المللی کیتاب نماییشگاهیندا، امام مصلیسیندا،عمومی ناشیرلر سالنوندا،آلتینجی دوزومده،اوچونجی غرفه
سیزیله گوروشماق آرزیمیز دیر
تازا کیتابلار: گونش-هوشنگ جعفری-ایکینجی چاپ حیدربابانین گیلکی ترجمه سی-سیامک سلیمانی روشن-ایکینجی چاپ افسانه های بزقوش-میکائیل رسولزاده-آذربایجان افسانه لری یاریم یاردیر، یاریم یارا-حسین رزمی هابئله چوخ تورکی آذربایجان کیتابلاری قدمیز گوزوموز اوسته آنا شعری(وحید شکرزاده)
جان سنه قوربان دی آنا هئچ کیمی من ایسته میرم ، گل ئورگیم قان دی آنا هارداسان آخر بورا گل ، جان سنه قورباندی آنا سن اُو زامان هی دارییاردین باشیمی ایندی ولی بیر چک الین ساچلاریما گؤر نه پریشان دی آنا سعی ائدیرم گؤرمه سین هئچ کس گؤزومون یاشلارینی نینییم اُولمور بولونور گؤزلریم گریان دی آنا دوز اُو زامان دان کی سنی آلدی الیم دن بو جاهان هر گونومون تک جه ایشی ناله و افغان دی آنا آیریلیقین دا بو کونول اُوت توتوب آخر یانیری بیر منی آل سن قوجاغان کی منه درمان دی آنا چوخلی سنی من سئویرم بسدی داحا هئچ دئمیرم گؤر نه سن آخر کی یئرین جنت و ریضوان دی آنا اورگ سوزی
سوروشدو : نه قدر سئویرسن منی ؟ بیر چوخ فیکیرله شدیم جواب تاپمادیم ایبهاملی بیر سکوت کؤچدو ذهنیمه محبتی اؤلچه ن بیر قاب تاپمادیم * سؤیله دی : اولمایا آزجا سئویرسه ن ؟ اوره ییم توتولوب تیتره دی بیردن محبته اؤلچو اولسایدی یقین بو سونکو گیلئیی ائشیتمه زدیم من*اما هئچ بیریمیز دانانماریق کی هر کسه عزیزدیر آناوطنی ایندیسه نئجه دیر سویله سه م اگر آذربایجان قدر سئویرم سنی
شهریاربهجت آباد خاطره سی اولدوز ساياراق گوزله ميشم هر گئجه ياری گج گلمه ده دير يار يئنه اولموش گئجه ياری
گؤزلر آسيلی يوخ نه قارالتی نه ده بير سس باتميش گولاغيم گؤرنه دؤشور مکده دی داری
بير قوش آييغام! سويليه رک گاهدان اييلده ر گاهدان اونودا يئل دئیه لای-لای هوش آپاری
ياتميش هامی بير آللاه اوياقدير داها بير من مندن آشاغی کيمسه يوخ اوندان دا يوخاری
قورخوم بودی يار گلمه يه بيردن ياريلا صبح باغريم ياريلار صبحوم آچيلما سنی تاری!
دان اولدوزی ايسته ر چيخا گؤز يالواری چيخما او چيخماسادا اولدوزومون يوخدی چيخاری
گلمز تانيرام بختيمی ايندی آغارار صبح قاش بيله آغارديقجا داها باش دا آغاری
عشقين کی قراريندا وفا اولمياجاقميش بيلمم کی طبيعت نيه قويموش بو قراری؟
سانکی خوروزون سون بانی خنجردی سوخولدی سينه مده أورک وارسا کسيب قیردی داماری
ريشخندله قيرجاندی سحر سويله دی: دورما جان قورخوسی وار عشقين اوتوزدون بو قماری
اولدوم قره گون آيريلالی او ساری تئلدن بونجا قره گونلردی ایدن رنگيمی ساری
گؤز ياشلاری هر يئردن آخارسا منی توشلار دريايه باخار بللی دی چايلارين آخاری
از بس منی ياپراق کيمی هيجرانلا سارالديب باخسان اوزونه سانکی قيزيل گولدی قيزاری
محراب شفقده ئوزومی سجده ده گؤردوم قان ايچره غميم يوخ اوزوم اولسون سنه ساری
عشقی واريدی شهريارين گللی- چيچکلی افسوس قارا يل اسدی خزان اولدی بهاری شاه گلی(ائل گلی)
ائل گلی ،ائل گلی یوخ بلکه بهشتین اوزودور وصال
وصالینه اومیدیم اولماسیدی قالمازیدیم عذاب و محنت دونیانی جانه آلمازیدیم اگـر مـنی آتـاسـان ائـتمرم حلال سنی یادیمدا اولماسیدی خیالین بو شعری یازمازیدیم سنین اول ساغ باخیشین چکدی ساغه ساری منی سنین ساغا باخان باخشین اولماسیدی آزمازیدیم سنی گوروب وورولماسیدم اگر نازلی گوزلره خیال و عشقیوه خاطیر مکانی قازمازیدیم سنین اوزاقلیقیوین دردینی گر آتسیدیم جامین شرابین ایچیب جامی باده آتمازیدیم سنه چاتینجا نازیم آغلار اولماسیدیم اگر واریم،یوخوم بئله دونیاده ساده ساتمازیدیم آنا یوردوم
گئدیرم تبریزیمه بیرده اورگ شاد ائلیه م گورمه گه تبریز ائلین بیر دفعه ده یاد ائلیه م گئدیرم شاه گولونون دورونه بیرده دولانام یاد ائدم ارک قالاسین،بیرده ائلین شاد ائلیه م
گورن کیمیدالغالار آلتدا قالمیشام دردو غمین چکن کیمی عشق خیالین آتمیشام سندن اوزاق توشن کیمی دلده نه انتظار اولار سن کیمی یار نازدن هر نه الورمی آتمیشام سن گوزلی بیلن کیمی سن بیزه گر گلیرمیسن جانیمی قوربان دئمیشم نیلیه جک اولم گئدم گوزوم سنی گورن کیمی سنون کیمی گوون آدی چیخار مگر خیالدن خیالیم انحصار اولوب سنین آدین دئیه ن کیمی اول گوز کی سنده وار کولوم هوش و هواسی چاپلایار هوش و هواسیم اولمائیر سنین گوزون گورن کیمی بو عشق یادیگاریدیر هر آن هر آی من آغلارام اول عشق داغلاییب منی مندن اوزاق توشن کیمی بایاتی لارالیمده یار گیسی وار ایچینده نرگیسی وار یارین دوداخلارینین نوقاسی وار،ریسی وار *** اوجا بوی داغلار اولار دره ده باغلار اولار یاردان اوزاق توشنده گوزلریم آغلار اولار *** اوغول وار بویی اوجا کیشی وار ایلی قوجا آرزیم،دیلگیم بودور بیر دفعه گئدم حاجا *** جیران داغلاری چیخار آخار سو ونیار ییخار ناهار تاپمیان یازیخ شامیندا زهر تیخار *** چشمه جوشاندا خوشدور داغی آشاندا خوشدور یارین گوزل باخیشی یارا باخاندا خوشدور *** ال قویولسا ال اوسته ایشلر قالماز ال اوسته ایش ایسته سن دوز اولا حساب گئت بیر ائل اوسته *** داغ دوشونده یولا باخ تاخچاداکی دولا باخ بیری آجیندان اولور کیمسه لرده پولا باخ *** دونیا گئجه گوندوزدی گادان ایری گاه دوزدی هاچان گئجه ده اولسان آرزین ایشیق گوندوزدی *** عزیزیم کوزه سنار مو دیبینده بیر چینار یاریم منه باخماسا بیل کی اورگیم سنار *** سن منه دئمیسنسنه جانان دئمیشم،سن ده منه جان دئمیسن سنه چاتماق قرارین سن منه القان دئمیسن داخی دیوانه دی کونلوم سنه کی یوخ دئمه رم هر نه القان سئویسن سن منه فرمان دئمیسن او قدر سئوگیمیز آرتیب داخی بیر کافر تک من سنه دین دئمیشم سن ایمان دئمیسن دلی کونلوم سنی گورجک بئله جولانه گلیر سن منی گورمک هامان دالغالی طوفان دئمیسن ائله کی سئوگیمیزی چکمیشیک عالمده گوزه من سنه سئوگی سوزون سن منه جاندان دئمیسن اوزومدنسوردی آدیم ،دئدیم آغلار سوروشدی بس نیه آغلار اورگ دولوب گوزوم آغلار دئدیم کی چون اورگ آغلار دئدیم کی بئل منه باغلار ائلیم اوبام اوجا داغلار دئدیم کی میوه لی باغلار تاپیلمیان ساری یاغلار منیم دئدیگیمی حاقلار منیم آدیم اولوب آغلار |
baş meno
movzu toplusu
toplum
88/08/01 - 88/08/30
88/06/01 - 88/06/31 88/05/01 - 88/05/31 88/04/01 - 88/04/31 88/03/01 - 88/03/31 87/12/01 - 87/12/30 87/11/01 - 87/11/30 87/10/01 - 87/10/30 87/09/01 - 87/09/30 87/07/01 - 87/07/30 87/06/01 - 87/06/31 87/05/01 - 87/05/31 87/04/01 - 87/04/31 87/03/01 - 87/03/31 87/02/01 - 87/02/31 87/01/01 - 87/01/31 sayar
» görüşlər:
» sovan: başqa imkanat
|
© All Rights Reserved by aghlar.Blogfa.com ©
